Шавкат Раҳмонов АҚШда тақиқланган "допинг"дан фойдаланганини тан олди

Қозоғистонлик UFC жангчиси Шавкат Раҳмонов АҚШда от гўштини сотиш ва истеъмол қилиш ноқонуний ҳисоблангани боис, океан ортида қийинчиликларга дуч келаётганини айтди.

Шавкатнинг ўзи америкалик журналистлар билан суҳбатларидан бирида от гўштини истеъмол қилишни яхши кўришини тан олди. Айни пайтда отни ўзининг севимли жонивори деб атаган, бу кўплаб маҳаллий ОАВ вакиллари ва мухлисларни ҳайратда қолдирди.

— Майамида от гўшти билан боғлиқ вазият қандай? Уни топиш мумкинми? Чунки от гўштини ёқтиришингизни биламиз.

— Ҳаммаси яхши (кулади). Умуман олганда, от гўшти Майамида тақиқланган гўшт ҳисобланади. Эҳтиёт бўлиш керак, ҳаммаси шу (кулади).