10 янв 09:06
Янгиликлар

Бокс/ММА

Шавкат Раҳмонов — Белал Муҳаммад жангининг қачон ўтказилиши маълум

Бу ҳақда Қозоғистоннинг "Спорт Шредингера" нашри хабар берди.

Маълум қилинишича, яримўрта вазн тоифасида UFC чемпиони, америкалик Белал Муҳаммад ҳамда рейтингнинг биринчи рақамли спортчиси, Қозоғистон вакили Шавкат Раҳмонов ўртасидаги титул жанги UFC 315 турнири доирасида ўтказилади.

Мусобақа май ойида ташкил этилади. Бу Белалнинг яримўрта вазн чемпиони сифатидаги илк ҳимоя жанги бўлади.

Белал Муҳаммад ўзининг сўнгги жангини UFC 304 турнири доирасида собиқ чемпион Леон Эдвардсга қарши ўтказиб, очколар ҳисобига кўра ғолиб бўлганди. Шавкат Раҳмонов эса 2024 йилнинг декабрь ойида ўтказган сўнгги жангида Иэн Гарридан устун келган.