Шавкат Раҳмонов бу йил қайтмайди

Қозоғистон MMA миллий федерацияси раҳбари Сағиндиқ Мекеев Шавкат Раҳмоновнинг чемпионлик камарини қўлга киритиш имкониятлари, унинг реабилитация тафсилотлари билан ўртоқлашди.

"Мен бир неча бор айтганманки, айни пайтда Ислам (Махачев) биринчи ўринда ва мен 77 килограммда уни мағлуб этадиган ҳеч кимни кўрмаяпман. Шавкатнинг бу камарни қўлга киритиш имконияти бор, лекин бунинг учун унга жуда кўп нарса керак: биринчидан, тикланиш даври. У ўтган йили операция қилинган эди, мен у билан яқинда учрашдим - бир ой олдин - ва у айтди: "Агай, менда яна такрорий жароҳат бор". Шавкат реабилитация учун Германияга қайтиб кетди, бу жараён йил охиригача бўлади, аниқ. Бу йил уни кўрмаймиз. Менимча, қиш охири ёки баҳорда тайёр бўлса керак", - деди Мекеев.

Эслатиб ўтиш доиз, Раҳмоновнинг UFC`даги сўнгги жанги 2024 йил декабрь ойида Лас-Вегасда бўлиб ўтганди. UFC 310 турнирида у ирландиялик Иан Гаррини ҳакамларнинг якдил қарори билан мағлуб этган эди. 2026 йил бошида қозоғистонлик UFC ярим ўрта вазн тоифаси рейтингидан чиқарилди.