21 фев 09:28
Янгиликлар
Бокс/ММА
Шавкат Раҳмонов Махачев - Волкановски жанги натижасига муносабат билдирди
Яримоғир вазн тоифаси вакили Шавкат Раҳмонов UFC чемпиони россиялик Ислам Махачев ҳамда австралиялик Алекс Волкановски ўртасидаги жанг ҳақидаги фикрлари билан ўртоқлашди.
"Ҳа, жанг яхши бўлди. Волкановски ҳам осон рақиб эмас, Ислам эса ўз ишини қилди. Менимча, у жангда ростдан ҳам ғалаба қозонди. Ҳеч қандай эътирозга ўрин йўқ. Махачев рақибидан камида учта раундда устун келди", - деди Раҳмонов.
Шунингдек, Шавкат Раҳмонов янгиланган pound-for-pound рейтингига ҳам муносабатини билдирди. Бу рейтингда Ислам Алекс устидан ғалаба қозонганига қарамай, биринчи ўринга кўтарила олмади.
"Ҳа, албатта Ислам биринчи ўринга чиқиши керак эди. Бунга ҳеч қандай шубҳам йўқ эди, лекин амалда бундай бўлмади", - дея қўшимча қилди Раҳмонов.
Аввалроқ, USADA Ислам Махачев иши бўйича сўнгги қарорни қабул қилгани ҳақида гапирган эди.
Ҳавола :
Манба : fightnews_info
Фикрлар