Шавкат Раҳмонов Ўзбекистондан кўчиб ўтгандан кейин Қозоғистондаги оғир ҳаёти ҳақида гапирди

Раҳмоновнинг айтишича, Қарағандага кўчиб ўтгандан кейин оиласи бир муддат бир хонали квартирада яшаган. Жангчининг сўзларига кўра, жой жуда тор бўлган.

"Албатта, оғир дамлар бўлган, лекин бу бизни кучлироқ қилади. Аксинча, қулай шароитда яшасак, яхшиликка тез ўрганиб қоламиз", — деди спортчи.

"Хуллас, беш киши 12 квадрат метр жойда яшаганмиз, қўпол қилиб айтганда", — дея қўшимча қилди Раҳмонов.

Раҳмонов квартирада у билан бирга онаси, синглиси ва уч нафар акаси яшаганини очиқлади. Шу билан бирга, у ўша пайтда оиланинг кенгроқ уй олишга имкони бўлмаганини таъкидлади: "Шундай шароит эди, нима ҳам қилардик. Имкониятимиз йўқ эди".

Кейинчалик Сурхондарёда дунёга келган Шавкат оиласи билан бирга ўз уй-жой шароитини яхшилашга муваффақ бўлди. Раҳмоновнинг ўзи ўша даврни ўз мотивациясининг шаклланиши ва спортда муваффақиятга эришишга бўлган интилиши билан боғлайди.