Шахмат бўйича биринчи онлайн Ўзбекистон чемпионатининг сўнгги турнири ғолиби аниқланди

Ўнта турнирдан иборат бўлган мазкур мусобақа кўпчиликда ижобий таассурот қолдирди десак муболаға бўлмайди. Эътиборли тарафи, чемпионат якунига етиб борган сари мусобақа иштирокчилари сони анчагина ортиб борда. Таъкидлаш жоиз 11-20 май оралиғида турнирда иштирок этиш истагини билдириб, рўйхатдан ўтган шахмат ишқибозларидан ҳам турнир савияси юқори бўлганлигини билиб олса бўлади.

Ҳаваскорлар ўртасидаги биринчи онлайн Ўзбекистон чемпионатининг сўнги турнири ғолиблиги chess.com сайтининг Fair Play жамоаси томонидан тақдим этилган хулосасига кўра бош соврин 45 ёшли Уралов Нурулло Шермухаммадовичга насиб этди.

Биз Навоий вилоятида таваллуд топган Нурулло Ураловни шахмат бўйича биринчи онлайн Ўзбекистон чемпионати сўнги 10 турниридаги ғалабаси билан табриклаймиз.

11 майдан 20 майга қадар давом этган ҳаваскорлар ўртасидаги шахмат бўйича “Уйда қол ва ғалаба қозон!” шиори остида биринчи онлайн Ўзбекистон чемпионати ўз якунига етди. Чемпионатда ғолибликни қўлга киритган юртдошларимизни яна бир бора табриклаймиз! Иштирок этиб ғалаба қозона олмаган шахмат ишқибозларига эса келгуси мусобақаларда омад ёр бўлишини тилаб қоламиз!