Шахмат бўйича Ўзбекистон чемпионати Олий лигасида ғолиб ва совриндорлар маълум + ФОТО

Аёллар ўртасидаги баҳсларда Умида Омонова мамлакат чемпиони бўлди. У ҳал қилувчи финал баҳсида тажрибали Нодира Нодиржоновани 1,5:0,5 ҳисобида мағлубиятга учратди. Омонова чемпион сифатила 7000 АҚШ доллари миқдоридаги мукофот пулини ҳам қўлга киритди. Бронза медали Маржона Маликовадан 1,5:0,5 ҳисобида устун келган Афруза Ҳамдамовага насиб этди. 

Эркаклар ўртасидаги мусобақада Нодирбек Якуббоев 2025 йилги Ўзбекистон чемпиони бўлди. У финал баҳсида Ортиқ Ниғматовдан устун келди. Якуббоев чемпионлиги эвазига 10 000 АҚШ долларига ҳам эга чиқди. Вице-чемпион 7000 долларга эга бўлди. Бронза медали учун кечган учрашувда истеъдодли шахматчи Муҳаммадзоҳид Суяров гроссмейстер Муҳиддин Мадаминовни енгишга муваффақ бўлди. 

Ғолиб ва совриндорлар ҳамда пул мукофоти тақсимоти:

Эркаклар:

1-ўрин: Нодирбек Якуббаев - 10,000 АҚШ доллари

2-ўрин: Ортиқ Ниғматов - 7,000 АҚШ доллари

3-ўрин: Муҳаммадзоҳид Суяров - 4,500 АҚШ доллари

4-ўрин: Муҳиддин Мадаминов - 3,500 АҚШ доллари

Аёллар:

1-ўрин: Умида Омонова - 7,000 АҚШ доллари

2-ўрин: Нодира Нодиржанова - 5,000 АҚШ доллари

3-ўрин: Афруза Ҳамдамова - 3,000 АҚШ доллари

4-ўрин: Маржона Маликова - 2,000 АҚШ доллари