14 сен 18:02
Янгиликлар
Шахмат
Шахмат. Ҳамюртимиз Лев Толстой кубоги совриндори!
Россиянинг Тула вилояти Ясная Поляна қўрғонида буюк рус ёзувчиси Лев Толстой шарафига тезкор шахмат бўйича биринчи халқаро турнир ўтказилди.
«Лев Толстой кубоги» деб номланган мусобақа адиб туғилиб ўсган манзилда ташкил этилди. Илк маротаба ўтказилган халқаро турнирда голландиялик гроссмейстер Аниш Гири ғолибликни қўлга киритди. У 2021 йил 1 сентябрь ҳолатига кўра, ФИДE рейтингида 7-ўринни эгаллаб турибди.
Халқаро турнирнинг энг ёш иштирокчиси, ўзбекистонлик Нодирбек Абдусатторов мусобақада сенсацион натижа қайд этиб, 2-ўринни эгаллади. У турнирда 5,5 очко тўплади. Ҳамюртимиздан 0,5 очко кам жамғарган исроиллик Борис Гелфанд эса 3-ўриндан жой олди.
Мусобақада Россия, Голландия, Исроил, Украина ва Ўзбекистондан жами 10 нафар тажрибали гроссмейстерлар, шахмат юлдузлари иштирок этишди. Шулардан 6 нафари ФИДE рейтингида дунёнинг ТОП-50талигидан жой олган.
Ҳавола :
Фикрлар