Шахмат Олимпиадаси: 8-турдаги рақибларимиз маълум

Мусобақада 8 та тур ортда қолди ва Ўзбекистон эркаклар терма жамоаси айни пайтда иккинчи ўринни эгаллаб турибди. Вакилларимиз бир муддат биринчи ўринга ҳам чиқишди. Аммо, Арманистон терма жамоаси вакиллари АҚШ билан ўйинда сўнгги паллада дурангга эришиб, ўз очколари сонини 13 тага етказиб олди ва пешқадамга айланди. 

Энди 6 август куни Ўзбекистон терма жамоаси аъзолари 6-ўринни эгаллаб турган Германия вакилларига қарши дона суришади. Германия ҳам биз каби 12 очкога эга. Фақат вакилларимиз қўшимча кўрсаткичлар эвазига юқорига жойлашишган. 

Қизларимиз эса Шимолий Македония вакиллари билан беллашадилар. Айни пайтда Ўзбекистон аёллар терма жамоаси 8 очко билан 45-ўринни эгаллаб турибди. Шимолий Македония ҳисобида ҳам 8 очко бор. Улар рейтингнинг 67-поғонасидан жой олганлар.