09 сен 08:05
Янгиликлар
Шахмат
Шахмат Олимпиадаси. Эркаклар жамоамиз Мўғулистондан енгилди
Озарбайжон пойтахти Боку шаҳрида давом этаётган Бутунжаҳон шахмат Олимпиадаси ўзининг қизғин палласига кирди.
42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. Кутилмаганда 17-жаҳон чемпиони Рустам Қосимжонов бошчилигидаги Ўзбекистон эркаклар терма жамоаси Бутунжаҳон шахмат Олимпиадасининг олтинчи турида Мўғулистон терма жамоасига 1,5:2,5 ҳисобида имкониятни бой бериб қўйди.
Рустам Қосимжонов, Жаҳонгир Воҳидов ва Антон Филиппов рақиблари билан дуранг ўйнашди. Марат Жумаев ўз партиясида ютқазиб қўйди. Бугун шахматчиларимиз Никарагуа терма жамоаси вакилларига қарши баҳс олиб боришади.
Еттинчи тур олдидан терма жамоамиз қўшимча кўрсаткичларга кўра 45-поғонадан 63-ўринга тушиб кетди. Терма жамоамиз ҳисобида 3та ғалаба ва шунча мағлубият бор.
Ҳавола :
Манба : olamsport.com
Фикрлар