Шахмат Олимпиадаси. Ниҳоят эркаклар терма жамоамизда ғалаба!

42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. 17-жаҳон чемпиони Рустам Қосимжонов бошчилигидаги Ўзбекистон эркаклар терма жамоаси Бутунжаҳон шахмат Олимпиадасининг бешинчи турида яна ғалабага эришди.

Бу сафар шахматчиларимиз Суринам терма жамоасига ҳеч қандай имконият қолдиришмади. Жаҳонгир Воҳидов, Антон Филиппов, Марат Жумаев ва Нодирбек Ёқуббоевлар рақибларини мағлубиятга учратиб, терма жамоамизнинг 4:0 ҳисобидаги ғалабасини таъминлашди.

Ушбу ғалабадан сўнг терма жамоамиз қўшимча кўрсаткичларга кўра 64-ўриндан 45-поғонага кўтарилиб олди. Эртага терма жамоамиз шахматчилари Мўғулистон терма жамоаси вакилларига қарши баҳс олиб боришади.