Шахмат Олимпиадаси. Қизларимиз Голландия терма жамоасига ютқазишди

42-Бутунжаҳон шахмат Олимпиадасида Ўзбекистон аёллар ва эркаклар терма жамоалари ҳам иштирок этяпти. Кеча мусобақада 10-тур учрашувлари ўтказилди. Ўзбекистон аёллар терма жамоаси мусобақадаги ўзининг учинчи мағлубиятини қарши олди.

Голландия терма жамоасига қарши кечган баҳсда ҳамюртларимиз 1,5:2,5 ҳисобида имкониятни бой беришди. Афсуски, биринчи рақамли шахматчимиз бўлган асли хитойлик бўлган Жаокин Пенгга ютқазиб қўйди. Қолган шахматчиларимиз Ирина Геворнян, Нодира Нодиржонова ва Сарвиноз Қурбонбоевалар рақибалари билан дуранг ўйнашди.

Таққослаш учун, шахмат Олимпиадасида Голландия 21, Ўзбекистон 22-рақамли жамоа сифатида қайд этилган. Кечаги мағлубиятдан сўнг терма жамоамиз 18-поғонадан 31-ўринга пастлади.

Терма жамоамиз 10та учрашувдан 5тасида зафар қучиб, 2та дуранг ўйнаган ва уч бор мағлубият аламини тотиб кўрган. Бугун шахматчи қизларимиз дунёнинг ўттиз еттинчи рақамли жамоаси бўлиб турган Словакия терма жамоасидаги дугоналарига қарши дона суришади.