20 окт 21:28
Янгиликлар

Шахмат

Шахмат. "Қатар Мастерс" турнирида Нодирбек Якуббоев чемпион, Нодирбек Абдусатторов эса вице-чемпионга айланди!

11-20 октябрь кунлари оралиғида Қатарнинг Доха шаҳрида шахмат бўйича Мастерс туркумига кирувчи мусобақа бўлиб ўтди.

Жаҳон тождори Магнус Карлсен, рейтинг етакчилари Хикару Накамура, Аниш Гири сингари дунё шазмат юлдузлари иштирок этган мусобақа бош соврини учун ўзбекистонлик икки ёш гроссмейстер Нодирбек Абдусатторов ва Нодирбек Якуббоев ўзаро тай-брек учрашувида дона сурди.

Боиси, сўнгги 9-турдан сўнг бу икки шахматчимиз 7 тадан очко жамғариб, турнир жадвалида қўшҳокимлик ўрнатишганди. Тай-брекнинг ҳар икки партиясида Якуббоев ғалаба қозониб, мусобақа чемпионига айланди. Нодирбек Абдусатторов иккинчи ўринни эгаллади. Олти ярим очко жамғарган Жавоҳир Синдаров қўшимча кўрсаткичларга кўра 4-ўринни банд этди.