05 июн 16:01
Янгиликлар

Шахмат

Шахмат. "Соҳибқирон кубоги-2024". Бош соврин Абдималик Абдисалимовга насиб этди

Тошкент шаҳрида шахмат бўйича "Соҳибқирон кубоги-2024" турнири ўз якунига етди.

Мусобақада 13 та давлатдан 200дан ортиқ иштирокчи иштирок этди.

Турнирнинг асосий гуруҳида Абдималик Абдисалимов барча рақибларидан кўп очко тўплаган ҳолда, ғалаба қозонди.

Абдималик 9 турдан 7.5 очко тўплаб, 2660 перформанс билан чемпионликни қўлга киритди. Қайд этиш жоизки, у мусобақани мағлубиятсиз якунлади ҳамда 21.3 ФИДЕ рейтинг очколарини қўшиб олди.

Иккинчи ва учинчи ўринни украиналик шахматчилар - Александр Моисеенко (7) ва Виталий Бернадский (6,5) банд этди.