Шахматчиларимиз Жаҳон чемпионатида муваффақиятли старт олишди

Нуфузли мусобақада иштирок этаётган Ўзбекистон терма жамоасининг барча аъзолари илк турда ғалаба нашидасини суришди. Етти ёшлилар баҳсида дона сураётган Акбар Аллаберганов ҳиндистонлик Митхун Пранавни, Зайнура Абророва мўғулистонлик Мишил Ганбаярни, 9 ёшлилар ўртасида Ҳумоюн Бекмуродов ҳиндистонлик Аман Дханукани таслим этди. Уччала шахматчимиз ҳам қора доналарда ҳаракат қилишган эди. 

Ўн бир ёшгача шахматчилар орасида баҳсларга киришган Афруза Ҳамдамова туркиялик Дуру Сенелдан, Баҳром Бахруллаев қозоғистонлик Санжар Саиновдан, 13 ёшли Умида Омонова туркиялик Фейза Кипикдан, 15 ёшли Жавоҳир Синдаров мўғулистонлик Энх-Од Энъбатаардан, 17 ёшлилар турнирида қатнашаётган Шамсиддин Воҳидов туркиялик Ўздемир Серхар Бератдан, Нодирбек Ёқуббоев яна бир мезбон шахматчи Эмре Кирилмаз, Али Қосимов эса озарбайжонлик Фируз Исмаиловдан устун келди.