Шахматчиларимиз жаҳон чемпионатининг 5-турида қандай натижа қайд этишди?

Кеча жаҳон биринчилигининг биринчи куни рапид йўналишида 5 та партия ўйналди. Ушбу мусобақада Ўзбекистон терма жамоасининг 11 (8 эркак, 3 аёл) нафар аъзоси ҳам ғолиблик йўлида баҳсларга киришган. Кутилганидек, ҳозирча энг яхши натижани Нодирбек Абдусатторов қайд этмоқда. Рапид йўналишида амалдаги жаҳон чемпиони 5 партиянинг 4 тасида ғалаба қозониб, 4 очко билан қўшимча кўрсаткичларга кўра 178 шахматчи орасида 8-ўринни эгаллаб турибди. Бешинчи поғонадаги Аниш Гири (Ҳиндистон) ҳисобида ҳам 4 очко бор. 

Жаҳон тожи соҳиби Магнус Карлсен 4,5 очко билан пешқадамлик қилмоқда. Кеча 4-турда Абдусатторов айнан Карлсенга қарши баҳс олиб борди ва афсуски, номдор рақибига имкониятни бой бериб қўйди. Владимир Федосеев, Аржун Эригайси ва Ван Форист Хорден ҳисобида ҳам 4,5 очкодан бор.    

Шахматчиларимизнинг 5-турдаги натижалари (эркаклар) 

Нодирбек Абдусатторов (2676) - Ваҳап Санал (Туркия, 2547) 1-0

Алексей Сарана (FIDE, 2629) - Шамсиддин Воҳидов (2481) 1-0

Нодирбек Якуббоев (2573) - Максим Матлаков (FIDE, 2671) 1-0 

Жаҳонгир Воҳидов (2530) - Тимур Гареев (АҚШ, 2617) 0-1

Жавоҳир Синдаров (2596) - Бобби Ченг (Австралия, 2476) 0-1

Савва Ветохин (FIDE, 2358) - Муҳаммадзоҳид Суяров (2089) 0-1

Элиах Еверетт (Уэльс, 2125) - Ҳумоюн Бегмуратов (2292) 0-1

Қизларимизнинг 4-турдаги натижалари 

Нафиса Мўминова (2242) - Зулайҳо Фоудзи (Малайзия, 2126) 1-0

Анна Лхотска (Чехия, 2196) - Умида Омонова (2059) 1-0 

Мияоий Лу (Хитой, 2181) - Афруза Ҳамдамова (2052) 0-1