"Шайхонтоҳур туман прокурори кубоги" учун кураш мусобақасидан ФОТОГАЛЕРЕЯ

Илк бор ҳар бир туманда биттадан мактабда кураш тўгараклари ташкил қилиниб, болалар ва ўсмирлар спорт мактабларига малакали мураббийлар ишга қабул қилинди ва кураш гиламлари билан таъминланди. Ҳар бир туманда кураш бўйича мусобақалар ўтказилмоқда.

Куни кеча пойтахтимиздаги “Наврўз боғи”да “Шайхонтоҳур туман прокурори кубоги” учун кураш мусобақаси бўлиб ўтди. Унда 7 та вазн тоифасида 100 нафарга яқин ўғил-қизлар маҳоратларини синовдан ўтказди.

Шу ернинг ўзида Жиззах шаҳрида бўлиб ўтган мамлакат чемпионати ғолиб ва совриндорларига эсдалик совғалари ҳам топширилди.

“Шайхонтоҳур туман прокурори кубоги”да Зарнигор Раҳмиддинова, Мамлакат Султонова, Йигитали Чўтбоев, Муҳаммад Саъдуллаев, Улуғбек Отамуродов, Умар Бозоров, Рифат Хударовлар ўз вазн тоифаларида ғолиблик шоҳсупасининг энг юқори поғонасидан ўрин эгаллади.

Ғолиб ва совриндорлар Тошкент шаҳар ва Шайхонтоҳур туман кураш федерациялари томонидан диплом, медаль ва қимматбаҳо совғалар билан тақдирланди.

Суратлар муаллифи - Алимурод МАМАДАМИНОВ, ўз мухбиримиз