Шевченко жароҳат олди, UFC вақтинчалик чемпионлик камари учун жанг ташкил қилади

Шу билан бирга, вазиятдан хабардор манбаларнинг хабар беришича, аёллар ўртасидаги чемпионлик жанги турнирнинг асосий воқеаси бўлиб қолади, бироқ унда вақтинчалик чемпионлик камари ўйналади. Бу камар учун бразилиялик Наталия Сильва ва хитойлик Ван Конг ўзаро октагонда тўқнаш келади. 

Лига матбуот хизмати ҳозирча ушбу маълумотни тасдиқламади. UFC раҳбари Дана Уайт эса Лас-Вегасдаги матбуот анжуманида турнирнинг асосий жанги шу ҳафта эълон қилинишини маълум қилди.

Маълумот учун, 29 ёшли бразилиялик Наталия Сильва ташкилотда мағлубиятсиз одимламоқда ва у ерда аллақачон саккизта ғалабага эришган. У сўнгги учта жангида UFC`нинг собиқ чемпионлари — Жессика Андраде, Алекса Грассо ва Роуз Намаюнасни ҳакамларнинг якдил қарори билан мағлуб этган.

34 ёшли Ван Конг эса тўртта ғалабали серияни қайд этмоқда. У ўзининг сўнгги жангида Трейси Кортезни ҳакамларнинг бир овоздан қабул қилган қарори билан ютган эди.