23 апр 09:20
Янгиликлар

Оғир атлетика, Бошқалар

Ширинов Осиё чемпионатида 1 та олтин, 2 та бронза медални қўлга киритди

Гонгконг шаҳрида ўтказилаётган пауэрлифтинг бўйича Осиё чемпионатида Ўзбекистон терма жамоаси атлетлари ҳам иштирок этмоқда.

Қитъа биринчилигида юртимиз шарафини Евгений Капралов, Кемран Ширинов, Сергей Фотиев ва Константин Хардин ҳимоя қилишмоқда. Кеча эркаклар ўртасида кечган баҳсларда -74 кг вазн тоифасида иштирок этган ҳамюртимиз Кемран Ширинов бир йўла 3 та медални қўлга киритди.

У ўтириб туришда 237,5 кг тошни ўзига бўйсундириб олтин, ётган ҳолда тошни кўтаришда 185 кг натижа билан бронза медалига эга чиқди. Тошни ердан узиш баҳсида 237,5 кг кўрсаткич қайд этиб, учкураш натижасига кўра 660 кг натижа билан учинчи ўринни эгаллади.