11 дек 12:18
Янгиликлар
Шодиёр Мелиқўзиевнинг Санжар Ташкенбайга қарши финал жанги якунланди
Бугун эркаклар ўртасидаги баҳсларнинг финал беллашувлари ўтказилмоқда. Мусобақада -48 кг вазн тоифасида юртимиз шарафини ҳимоя қилган Шодиёржон Мелиқўзиев финалда қозоғистонлик Санжар Ташкенбайга қарши рингга кўтарилди.
Жанг тўлиқ давом этди ва унда Шодиёр Мелиқўзиев 4:1 ҳисобида ғалаба қозонди. Боксчимиз 3-раундда рақибини нокдаун ҳолатига ҳам солиб қўйди.
Маълумот учун, Мелиқўзиев жаҳон чемпиони ҳисобланадиган Санжар Ташкенбай билан шу кунгача икки маротаба жанг қилиб, уларнинг ҳар иккисида ҳам мағлубиятга учраганди. Бугун ўтказилган финалда боксчимиз ниҳоят ғалабага эриша олди.
Шу тариқа, Ўзбекистон эркаклар терма жамоаси Осиё чемпионатидаги илк олтин медални қўлга киритди. Бугун шунингдек яна 9 нафар боксчимиз олтин медаль учун жанг қилади.
Фикрлар