25 авг 07:50
Янгиликлар
Теннис
Шофайзиев Минскдаги турнирда ярим финалга чиқди
Беларусь пойтахти Минск шаҳрида теннис бўйича соврин жамғармаси 10 минг доллардан иборат турнирнинг асосий тўр баҳслари давом этмоқда.
“Фьючерс” туркумига кирувчи ушбу мусобақанинг яккалик баҳсларида Темур Исмоилов ҳам иштирок этганди. Турнирда тўртинчи рақам остида таснифланган ҳамюртимиз илк даврада Жанубий Африка Республикаси теннисчиси Дамон Гучга 4:6, 0:6 ҳисобида имкониятни бой бериб қўйганди.
Ушбу турнирнинг жуфтликлар баҳсида яна бир ҳамюртимиз Шониғмат Шофайзиев ҳам ўз имкониятини синовдан ўтказяпти. Қозоғистонлик Роман Хассанов билан тандем хосил қилган Шониғмат чорак финалда беларуслик теннисчилар – Мартин Борисюк ва Антон Дубровни 2:6, 6:4, тай-брекда 11:9 ҳисобида таслим этди.
Бугун Шофайзиев ва Хассанов ярим финал учрашувида турнирнинг биринчи рақамли жуфтлиги, британиялик теннисчилар – Клайтон Скотт ҳамда Жонни Омарага қарши кортга чиқади.
Ҳавола :
Манба : olamsport.com
Фикрлар