Шоҳид Тиллабоев: "Ўзбекистон чемпионатида хорижий нейтрал ҳакамлар ишлаши - анъанага айланиб бормоқда"

"Бу йилги Ўзбекистон чемпионати кескин баҳсларга, шиддатли жангларга бой бўлди. 

Эркаклар ўртасида 13, қизлар ўртасида эса 12 та вазн тоифасида мамлакат чемпионлари аниқланди. 

Бу йилги мусобақамизда ҳам хорижий тажрибали, нейтрал ҳакамлар фаолият олиб боришди. Бу Ўзбекистон чемпионати учун анъанага айланиб бормоқда десак, муболаға бўлмайди. 

Шунингдек, мусобақада совриндор бўлган боксчиларимиз диплом ва медаллардан ташқари, пул мукофотларига ҳам эга бўлишди. 

Олтин медаль соҳиблари 10 миллион, кумуш медаль эгалари 5 миллион, бронза медаль эгалари эса 2,5 миллион сўмдан пул мукофотига эга бўлишди", - деди Шоҳид Тиллабоев olamsport.com сайтига берган интервьюсида.