05 дек 10:10
Янгиликлар
Бокс/ММА
Шоҳжаҳон Эргашев 2024 йилдаги режаларини ошкор қилди + ФОТО
Суперенгил вазн тоифасида IBF камари учун собиқ даъвогар Шоҳжаҳон Эргашев 2024 йилга мўлжалланган режалари билан ўртоқлашди.
"Аввало, ҳаммаси Аллоҳдан. Лекин ўз устимда кўпроқ ишлашим керак. Мотивация керак - бу сизлар! Насиб бўлса, тикланишимга қараб, рингга қайтаман".
Шунингдек, Эргашев эндиликда ҳар 6 ойда жанг ўтказишга ҳаракат қилишини айтди:
"Режалар жуда кўп. Аввал соғликни тиклаб, кейин 4-5 ойда рингга қайтаман. Ҳар 6 ойда жанг ўтказиш керак, деб ўйлайман. Кўп жанг қилмаслик ҳам боксчини формадан чиқаради, буни ўзимда ҳис қилдим. Энди узоқ вақтда эмас, 5-6 та ойда битта жанг ўтказаман", - деб ёзган Шоҳжаҳон.
Эслатиб ўтамиз, Шоҳжаҳон Эргашев 26 ноябрь тонгида IBF йўналиши чемпиони, пуэрто-риколик Сабриель Матиасга қарши жанг қилиб, муддатидан олдин мағлуб бўлган эди.
Ҳавола :
Манба : olamsport.com
Фикрлар