03 фев 17:35
Янгиликлар

Бокс/ММА

Шоҳжаҳон Эргашев АҚШда машғулотларга киришди (Видео, фото)

Боксчимиз январь ойи охирида навбатдаги жангига тайёргарлик кўриш мақсадида океан ортига жўнаб кетган эди.

Шоҳжаҳон Эргашев машғулотларга киришди. У ҳозирча енгил машғулотларни олиб бормоқда.

Буни Шоҳжаҳоннинг ўзи ҳам таъкидлади:

"Ошни кўп еганим билиняпти. Анча вазн йиғибман. Тез кунда формага қайтиб оламан".

Эслатиб ўтамиз, Шоҳжаҳон Эргашев 2023 йилнинг 26 ноябрь куни IBF йўналиши чемпиони Сабриель Матиасга қарши жанг қилиб, жароҳат сабаб муддатидан олдин мағлуб бўлган эди. Бу чарм қўлқоп устамизнинг фаолиятидаги илк мағлубияти бўлганди. Унинг ҳисобида 23 та ғалаба бор.

Аввалроқ, Эргашев навбатдаги жангини март ойи охирида ўтказишини айтган эди.