Шоҳжаҳон Эргашев: "Бу постни ўчириб ташлаймиз!"

Шу мақсадда у Аббосхон Йўлдошев ва Бекзод Исадуллаев билан бирга учрашган ҳам эди. 

Шоҳжаҳон Эргашев ўшанда "Сизлар реванш жангини кўришни хоҳлармидингиз? Shohjahon Promotions промоутерлик компанияси шу жангни ташкил қилиш ҳаракатида. Нима деб ўйлайсиз, реванш жангида ким ғалаба қозонади?", - дея сурат остида изоҳ ҳам қолдирганди . 

Бекзод Исадуллаев эса бунга жавобан, жангни интизорлик билан кутаётганини ёзганди. Аммо бу жанг амалга ошмайдиган кўринади. Эргашев Инстаграм сторис саҳифасига ўша суратни жойлаб, унда қуйидаги изоҳ қолдирди.

"Биз жангни ташкил қила олмадик. Бекзод томондан жавоб бўлмади. Биз ўз тарафимиздан таклифизни бердик. Лекин улар бизнинг таклифни жавобсиз қолдиришди. Иккала спортчига ҳам омад тилаймиз. Ўзларининг режалари бор деб қўйдик. Биргаликда суратга тушиб, инстаграмга қўйган бу постимизни эса энди ўчириб ташлаймиз", - дея вазиятга изоҳ берган Эргашев. 

Эслатиб ўтамиз. Аббосхон Йўлдошев ҳамда Бекзод Исадуллаев ўртасидаги илк жанг дуранг натижа билан якунланган эди.