Шоҳжаҳон Эргашев даъвогарлар жангида рингга кўтарилади

Айни пайтда IBF рейтингида 4-ўринни эгаллаб турган чарм қўлқоп устамиз ушбу камар учун даъвогарлар, яъни элиминатор жангида рингга чиқади. Шу кунларда рақиб номига ойдинлик киритилади. Салита промоутерлик компания ушбу жанг ташкилотчилиги устида ишлаяпти. Бу ҳақида боксчимизнинг ўзи сайтимизга хабар берди.

"Тез кунларда катта янгилик бўлади. IBF камари ҳозир вакант бўлиб турибди. Навбатдаги жангим элиминатор мақомида бўлиши керак. Промоутер ва менежерларим бу бўйича ишлашяпти", - деди Эграшев olamsport.com сайтига берган интервьюсида.  

Эслатиб ўтамиз, Шоҳжаҳон Эргашев сўнгги жангини АҚШнинг Техас штати Детройт шаҳрида ташкил этилган проф бокс оқшомида мексикалик Анхель Мартинес Эрнандесга қарши ўтказиб, рақибини 5-раундда техник нокаутга учратган эди. Ушбу баҳс оқшомнинг марказий жанги эди.