Шоҳжаҳон Эргашев фаолиятидаги энг катта хатосини айтди

Чарм қўлқоп устамиз Россиянинг Salita Promotions компанияси билан келишувини фаолиятидаги катта хато деб атаган.

"Бошида Salita промоутерлик компанияси билан нотўғри шартнома тузиб қўйганман. Алдашмаган, менда шунчаки бошқа танлов бўлмаган. Фақат шулардан шартнома тушган. Чунки менда фақат АҚШга бориб олиш мақсади бор эди. Америкага бориб олсам, ҳаммаси яхши бўлиб кетади деб ўйлаганман. 

Аслида, озгина кутишим, Россияда яна битта ёки иккита жанг ўтказишим, кейин шартнома тузишим керак эди. Шартномамда катта суммалар ёзилмаган эди-да. Дунё рейтингида кучли ўнталикка кирганимдан кейин тўрт ёки беш йил юрдим, лекин улар менга чемпионлик жанги ташкил қилиб бера олишмади. Мен ўшанда яхши формада ва ёш эдим. Чўққига чиққан пайтим титул жанги қилиб беришмади", деди Эргашев Olamsport.com мухбири Моҳичеҳра Собирова билан интервьюда.

Тўлиқ интервьюни томоша қилинг: