Шоҳжаҳон Эргашев: Илтимос, менга чемпионлик жангини беринглар

У эски жангида рақибини нокаут қилган вазиятни саҳифасига жойлаштирган. Видео остига эса: "Илтимос, менга чемпионлик жангини беринглар, мен тайёрман" дея изоҳ қолдирган. 

Қизиғи, видео остидаги изоҳлар бўлимида мухлислардан бири савол йўллаган: 

(таҳрир - Olamsport)

"Ока, сизга нимага беришмаяпти? Муроджон Аҳмадалиевга беришди. Исроил Мадримов, Бектемир Мелиқўзиевларга 1 та жангдан сўнг чемпионлик баҳси кафолатланган адашмасам. Сизга нега беришмаяпти? Чунки сизнинг рақибларингиз кучли эмасга ўхшайди. Таниқлироқ рақиблар билан жанг қилсангиз беришади. Сизда ҳам, бошқаларда ҳам куч бор ўзиларга яраша. Лекин сизда рақиблар кучсиз. Омад бро".

Ўз навбатида боксчи бунга жавоб қайтарган:

"Хаа рақибларим боксчи эмас, шаҳматчилар билан уришяпман. Келаси рақибим маҳаллангиздаги чўпон бола бўлади. Сиз кимга мухлислик қиласиз?".