21 мар 18:32
Янгиликлар

Бокс/ММА

Шоҳжаҳон Эргашев ўзининг навбатдаги жанги учун Отабек Холматовнинг собиқ мураббийи билан шуғулланяпти (Фото)

Аввал хабар берганимиздек, Супер енгил вазн тоифасида IBF камари учун собиқ даъвогар, ўзбекистонлик профессионал боксчи Шоҳжаҳон Эргашев 28 март куни рингга қайтади.

Ҳамюртимиз АҚШнинг Мичиган штати, Детройт шаҳрида ташкил этилаётган DAZN ҳамда Salita Promotions ҳамкорлигидаги оқшомда жанг қилади. Унга панамалик чарм-қўлқоп устаси Хуан Хуертас рақиблик қилади.

Эргашев мазкур жангга АҚШдаги ўзбекистонлик бокс мураббийи Тимур Ибрагимов қўл остида шуғулланмоқда. Бу ҳақда унинг ўзи Instagram саҳифаси орқали маълум қилган.

Маълумот учун, Тимур Ибрагимов ярим енгил вазнда WBA камари учун собиқ даъвогар, яна бир ҳамюртимиз Отабек Холматовнинг собиқ мураббийи ҳисобланади. Холматов чемпионлик жанги олдидан номаълум сабабларга кўра Ибрагимов жамоасидан кетган эди.