31 июл 08:05
Янгиликлар
Бокс/ММА
Шоҳжаҳон Эргашев Сабриэль Матиасга қарши жанги қачон бўлишини айтди
Суперенгил вазнда IBF камарига даъвогар Шоҳжаҳон Эргашев мазкур йўналиш чемпиони Сабриэль Матиас билан жанги ҳақида гапирди.
Эргашевнинг ўз Instagram саҳифасидаги жонли эфири вақтида айтишича, ҳамюртимиз катта эҳтимол билан 29 октябрь куни Лас-Вегасда жанг қилиши мумкин. Ҳозирда Шоҳжаҳоннинг промоутер ва менежерлари ушбу жанг бўйича ишлашяпти.
Маълумот учун, 29 октябрь куни Лас-Вегасда ўтказиладиган бокс оқшомининг марказий жанги Девин Хейни - Режис Прогрейс ўртасида кечади.
"Матиасга қарши жангим шу кечада ўтказилса яхши бўларди. Битта вазнда иккита чемпионлик жанги. Шу жанг ғолиблари кейин бирлаштирувчи чемпионлик жангида ўзаро рингга чиқишлари мумкин. Шу жиҳати билан ҳам 29 октябрь кунги бокс оқшоми жуда қизиқарли кардга эга бўлиши мумкин", - деди Эргашев.
Ҳавола :
Манба : olamsport.com
Фикрлар