18 янв 13:43
Янгиликлар

Бокс/ММА

Шоҳжаҳон Эргашев: Тейлор, сен кейингисисан!

Хабар берганимиздек, бугун профессионал боксчимиз Шоҳжаҳон Эргашев АҚШда фаолиятидаги 18-ғалабасига эришди.

Мексикалик Адриан Эстреллага қарши рингга кўтарилган чарм қўлқоп устамиз рақибини биринчи раунднинг ўзидаёқ нокаутга учратди. Ушбу жангдан сўнг Шоҳжаҳон Эргашев www.olamsport.com сайтига интервью бериб, режалари билан ўртоқлашди.

"Режа бўйича эртага Москвага қайтаман. У ерда номимга очилган бокс залида шуғулланувчилар ва мухлислар билан учрашаман. Кейин эса Ўзбекистонга қайтаман. Эндиги мақсадим - чемпионлик жанги! Жош Тейлор кейинги рақибим бўлиши керак. Менга чемпионлик жанги керак", - деди Эргашев.

Аввалроқ, Шоҳжаҳон Эргашевнинг промоутер ва менежерлари WBA ва IBF йўналишлари чемпиони Жош Тейлор билан музокараларни бошлаш арафасида эканликларини маълум қилишган эди.