Шоҳжаҳон Эргашевни табриклаймиз!

Шоҳжаҳон Эргашев 1991 йил 12 декабрда Фарғона вилояти Бешариқ тумани Рапқон қишлоғида  таваллуд топган. 11ёшидан бокс билан шуғулланган. Биринчи мураббийи Рустам Мажидов. Қаҳрамонимиз Рапқон бокс мактаби тарбияланувчиси ҳисобланади.  2011 йилда Республика чемпионатида  шоҳсупага кўтарилган.  Ҳаваскор боксда у қадар ҳам омади чопмаган Эргашев 2015 йилдан фаолиятини проф рингда давом этдириб келмоқда (19 та жанг 19 та ғалаба, 17 та нокаут).Нокаутчимиз Москва шаҳрида "Shohjahon GYM" спорт залини очган. Бугунги кунда мазкур залда бокс, ММА, муай-тай спорт турлари бўйича 70 дан зиёд атлетлар машғулот ўтказиб келмоқда. Бундан ташқари "Shohjahon Promotion" промоутрлик компаниясига асос солган. Шунингдек, "Ўзбекистон белгиси" кўкрак нишони соҳиби ҳисобланади.

Фурсатдан фойдаланиб боксчимизни туғилган куни билан сайтимиз ижодкорлари ҳамда мухлислари номидан қутлаймиз! Узоқ ва мазмунли умр тилаймиз. Келаётган йил Эргашевга чемпионлик камарларини туҳфа этсин.

Сарвиноз Рахмонқулова