Шоҳжаҳон Эргашевнинг АҚШдаги жанги бешинчи раундда тўхтатилди

Эътиборлиси, кечанинг марказий жангида ҳамюртимиз Шоҳжаҳон Эргашев мексикалик Анхель Мартинес Эрнандесга қарши рингга кўтарилди. Супер енгил вазн тоифасидаги 10 раундда мўлжалланган жанг 5-раундда рефери томонидан тўхтатилди. 

Эргашевнинг кучли зарбаларидан сўнг мексикалик боксчи бир неча бор нокдаун ҳолатига тушиб қолди ва бунинг натижасида рефери жангни тўхтатди. Шоҳжаҳон техник нокаут эвазига зафар қучди ва ғалабали серияни 23 та жангга етказиб олди. Бугун у 20-нокаутли ғалабасини ўз ҳисобига ёзиб қўйди. Эрнандес эса бугун фаолиятидаги иккинчи мағлубиятини қабул қилиб олди. Ҳисобида 14 та ғалаба ва 1 та дуранг бор.