09 янв 17:55
Янгиликлар
Бокс/ММА
Шоҳжаҳон Эргашевнинг жанги жонли эфирда олиб бериладими?
Хабарингиз бор, профессионал боксчимиз Шоҳжаҳон Эргашев 17 январь (Тошкентда 18 январь тонги) куни фаолиятидаги 18-жангини ўтказади.
Чарм қўлқоп устамиз шу куни АҚШнинг Айова штати Слоан шаҳрида Адриан Жейм Эстреллага қарши рингга кўтарилади. Эргашев - Эстрелла тўқнашуви 10 раунддан иборат бўлиб, оқшомнинг марказий жанги сифатида эътироф этилган.
Шоҳжаҳон Эргашевнинг www.olamsport.com сайтига хабар беришича, "Buka" компанияси жанг трансляцияси ҳуқуқини сотиб олган. Лекин ҳозирда Ўзбекистоннинг қайси телеканали жангни тўғридан-тўғри намойиш этиши аниқ эмас. Бу ерда компания талаб қўяди ва кўпроқ пул таклиф қилган телеканалга намойиш ҳуқуқини тақдим этади.
Айни пайтда "Sport" ҳамда "UzReport" телеканаллари Шоҳжаҳон Эргашев иштирокидаги жангни тўғридан-тўғри намойиш этиш учун даъвогарлик қиляпти. Музокаралар давом этмоқда.
Ҳавола :
Манба : olamsport.com
Фикрлар