28 окт 07:20
Янгиликлар

Бокс/ММА

Шоҳжаҳон Эргашевнинг навбатдаги жанги санаси аниқ бўлди + ПОСТЕР

Аввалроқ профессионал боксчимиз Шоҳжаҳон Эргашев навбатдаги жангини 21 сентябрь куни ўтказиши, аммо ушбу жанг бекор қилингани ҳақида хабар қилгандик.

Ўша баҳсда ҳамюртимизга беларуслик Дмитрий Милиуша рақиблик қилиши лозим эди. Бироқ Шоҳжаҳон ва промоутерлик компанияси ўртасида юзага келган суд жараёнлари сабаб ушбу жанг бекор қилинганди.

Боксчимизнинг Olamsport.com сайти мухбирига хабар беришича, у 16 ноябрь куни навбатдаги жангини ўтказади. Рақиб ўзгармаган - беларуслик Милиуша.

Маълумот учун, Шоҳжаҳон шу кунгача проф рингда 18 та жанг ўтказиб, уларнинг барчасида ғалаба қозонган (16та нокаут). Милиуша эса 13 маротаба жанг қилган ва уларнинг 9тасида ғолиб бўлган (4та нокаут). 3 маротаба мағлубиятга учраган (2та нокаут) ва 1 та дуранг қайд этган.