Шоҳжаҳон Эргашевнинг узоқ кутилган жанги муддатидан олдин якунланди

Кечанинг марказий жангида енгилмас боксчимиз Шоҳжаҳон Эргашев танзаниялик Салиму Женгога қарши жанг қилди. 12 раундга мўлжалланган баҳс биринчи раунддаёқ якунига етди. Жангни шиддат билан бошлаган Шоҳжаҳон Эргашев илк раунддаёқ зарбалар сериясини намойиш этди ва рақибини мувозанатдан чиқарди. Рефери эса шу захоти жанг якунланганлигини эълон қилди. Шу тариқа, Эргашев Тошкентдаги жангини техник нокаут билан якунлади. 

Қайд этиш лозимки, рефери жангни якунлаган пайтда бутун арена, боксчилар баҳс давом эттирилишини талаб қилишди. Аммо, қарор ўзгармади ва Шоҳжаҳоннинг ғалабаси эълон қилинди. 

Жанг оқшоми olamsport.com сайти орқали матнли трансляция қилинди. 

Жанг оқшомида қайд этилган натижалар:

Шоҳжаҳон Эргашев (Ўзбекистон) - Салиму Женго (Танзания) (Эргашев, 1-раундда техник нокаут)

Сергей Воробев (Россия) - Александр Журавский (Қозоғистон) (Воробьев, техник нокаут)

Улуғбек Ҳақбердиев (Ўзбекистон) - Дмитрий Атрохов (Беларус) (Ҳақбердиев, очколар эвазига ғалаба)

Владимир Мироненко (Россия) - Бекзод Қодиров (Ўзбекистон) (бекор қилинди)

Жамшидбек Нажмиддинов (Ўзбекистон) - Мераб Туркадзе (Грузия) (Нажмиддинов 5-раундда рақибини нокаут қилди)

Ботиржон Зокиров (Ўзбекистон) - Александр Салтиков (Россия) (Зокиров, очколар эвазига ғалаба)

Асрорбек Раҳимов (Ўзбекистон) - Исмоилжон Ҳолиқов (Ўзбекистон) (Раҳимов, очколар эвазига ғалаба)

22:35. Якуний қарор эълон қилинди. Шоҳжаҳон Эргашев техник нокаут эвазига ғалаба қозонди. 

22:33. Эргашевнинг жангини томоша қиламан деб аренага ташриф буюрган мухлислар эса норози. 

22:30. Шоҳжаҳоннинг кучли зарбалар сериясидан сўнг баҳс тўхтатилган. Танзаниялик боксчи жанг қилишни истамоқда. Рефери эса жангни давом эттиришга йўл қўймаяпти. 

22:28. Рефери биринчи раунддаёқ баҳсни якунламоқчи. Томоша қилайлик жангни!

22:22. Танзания ва Ўзбекистон давлат мадҳиялари янграмоқда!

22:17. Шоҳжаҳон Эргашев рингга чиқиб келмоқда. У Шерали Жўраевнинг "Ўзбегим" қўшиғи садосида рингга чиқди. Қўшиқни Зохиршох Жўраев ижро этмоқда.

22:05. Энди навбат Шоҳжаҳон Эргашевнинг жангига!

22:04. Сергей Воробев (Россия) - Александр Журавский (Қозоғистон) жанги якунланди. Сергей Воробьёв муддатидан олдин қозоғистонлик рақибини мағлубиятга учратди. 

Шаҳрам Ғиёсов Улуғбекка секундантлик қилган ажойиб жангдан ФОТОГАЛЕРЕЯ

21:44. Улуғбек Ҳақбердиев 8 раундлик жанг ўтказди ва унда очколар эвазига ғалаба қозонди.

Шоҳжаҳон Эргашевнинг бокс оқшоми: Шаҳрам Ғиёсов секундант ролида + ФОТО

21:08. Улуғбек Ҳақбердиевнинг жанги бошланди. Унга ўзбек бокси юлдузи Шаҳрам Ғиёсов секундант бўлиб чиқди. 

Шоҳжаҳон Эргашев жангга қандай либосда чиқади? Кийиниш хонасидан эксклюзив ФОТОГАЛЕРЕЯ

20:55. Баъзи сабабларга кўра Бекзод Қодировнинг Владимир Мироненкога қарши жанги ўтказилмади. Боксчилардан бири вазн қила олмагани учун жанг бекор қилинди. 

Жамшид Нажмиддиновнинг нокаутли жангидан ажойиб ФОТОГАЛЕРЕЯ

20:41. Жамшид Нажмиддинов грузиялик рақибини 5-раундда нокаутга учратди! У жанг давомида рақибини 3 маротаба нокдаун ҳолатига туширди!

20:19. Энди Жамшидбек Нажмиддинов грузиялик рақибга қарши рингга кўтарилади. 

Ботиржон Зокиров россиялик рақибини мағлуб этган жангдан ФОТОГАЛЕРЕЯ

20:15. Ботиржон Зокиров россиялик 4 раунд давом этган жангда россиялик рақибини очколар эвазига мағлуб этди. 

19:55. Шоунинг иккинчи жанги бошланмоқда: Ўзбекистонлик Ботиржон Зокиров россиялик Александр Салтиковга қарши рингга кўтарилади. 

Биринчи жангдан қайноқ суратлар сайтимизга жойлаштирилди: Бокс. Асрорбек Раҳимов - Исмоилжон Холиқов жангидан ФОТОГАЛЕРЕЯ

19:46. Кечанинг илк жангида "Ахмад Ўзбекистон" клубининг икки вакили - Асрорбек Раҳимов ва Исмоилжон Холиқов ўзаро тўқнаш келди. 4 раундга мўлжалланган жанг тўлиқ давом этди. Унда Асрорбек Раҳимов очколар эвазига ғалаба қозонди. 

19:24. Ассалому алайкум ҳурматли бокс мухлислари. Тошкент шаҳридаги профессионал бокс оқшомидан онлайн матнли трансляциямизни бошлаймиз.