Шоҳжаҳон Эргашевнинг вазнидаги Батир Жукембаевнинг АҚШдаги жанги нокаут билан якунланди

Унда биринчи ярим ўрта вазн тоифасида қозоғистонлик чарм қўлқоп устаси Батир Жукембаев (23-1-0) рингга кўтарилди. Украина вакили Иван Редкачга (24-7-1) қарши кечган 10 раундлик жанг бешинчи раундда ўз ниҳоясига етди. Унда Жукембаев техник нокаут орқали муддатидан олдин зафар қучди.

Шу тариқа, Батир Жукембаев проф рингдаги 23-ғалабасини қўлга киритди, Редкач эса ўзининг 7-мағлубиятини қабул қилиб олди. Қизиғи, Жукембаев фаолиятидаги ягона мағлубиятини ҳамюртимиз Шоҳжаҳон Эргашев сингари IBF чемпиони, пуэрто-риколик Сабриэль Матиасдан қабул қилиб олган.