10 июл 22:32
Янгиликлар

Дзюдо

Шоҳруҳ Бахтиёров Будапешт “Катта Дубулға” турнири бронза медали соҳиби

Венгрия пойтахти Будапешт шаҳрида дзюдо бўйича “Катта Дубулға” туркумига кирувчи мусобақанинг сўнгги кунги финал беллашувлари ўтказиляпти.

Қувонарлиси, ҳозиргина оғир вазн (+100 кг) тоифасидаги полвонимиз Шоҳруҳ Бахтиёров ажойиб камбек эвазига ғалаба қозониб, Будапешт “Катта Дубулға” турнирининг бронза медали соҳибига айланди.

Бахтиёров бронза медали учун кечган муросасиз беллашувда финляндиялик Мартти Пуумалайненни таслим этди. Вазари баҳоси билан ютқазаётган Шоҳруҳ қисқа фурсатда иккита вазари эвазига ғалабани ўз томонига оғдириб олди.

Шоҳруҳ Бахтиёров бронза медали билан бирга қимматли 500 рейтинг очкосини ҳам қўлга киритди. Бу унинг жорий мавсум "Катта Дубулға" турнирларидаги иккинчи бронза медали ҳисобланади. Бахтиёров Тбилисида ҳам шоҳсупага кўтарилган эди.