13 сен 12:58
Янгиликлар

Бокс/ММА

Шон Стрикленд UFC P4P рейтингида Топ-10`га кириб олди

Ўрта вазнда янги UFC чемпиони Шон Стрикленд вазн тоифасидан қатъий назар P4P рейтингида саккизинчи ўринга кўтарилиб олди.

Америкалик аралаш яккакураш устаси ўтган якшанба тонггида Исраэль Адесаньяни шов-шувли тарзда мағлубиятга учратиб, ушбу вазннинг янги чемпионига айланганди. Ушбу ғалаба уни P4P рейтингида 8-ўринга олиб чиқди.

Ўз ўрнида нигериялик собиқ чемпион мағлубиятидан кейин 5-ўриндан 9-поғонага пастлади. Адесаньянинг "қулаши" Топ-10 рейтингидаги ўзгаришларга сабаб бўлди. Чарльз Оливейра, Камару Усман ва Шон О'Мэлли ўз ўринларини бир поғонага яхшилаб олишди.

Бундан ташқари, собиқ UFC чемпиони Алжамэйн Стерлинг Топ-10 рейтингидаги ўрнини йўқотди. У 10-ўриндан 13-поғонага пастлади.