04 сен 09:36
Янгиликлар

Бокс/ММА

Шон Стрикленд ва Нассурдин Имавов ўртасида жанг режалаштирилмоқда

UFC`нинг ўрта вазн тоифасидаги чемпиони Шон Стрикленд ҳамда дивизионнинг учинчи рақамли жангчиси Нассурдин Имавов ўртасида чемпионлик жанги ташкил этилади.

Ушбу чемпионлик тўқнашуви 12 декабрь куни Лас-Вегас шаҳрида бўлиб ўтадиган UFC 335 турнирининг марказий воқеаси бўлиши мумкин. Агар ушбу баҳс ҳақиқатан ҳам ташкил этилса, жанг реванш мақомига эга бўлади. Жанг бўйича музокаралар кетаётгани ҳақида вазиятдан хабардор манбалар маълум қилди.

Жорий йилнинг май ойида Шон Стрикленд Хамзат Чимаев устидан ҳакамларнинг айри қарори билан ғалаба қозониб, ўрта вазнда UFC чемпионига айланган эди. 2023 йилда эса Шон Нассурдин Имавовни ҳакамларнинг якдил қарори билан мағлуб этганди.

Стрикленддан учралган мағлубиятдан сўнг, Имавов олтита жангдан иборат мағлубиятсиз серияни қайд этди ва ўзининг сўнгги жангида Кайо Борральони ҳакамларнинг якдил қарори билан таслим этди.