Шу ой ўтказиладиган ва мағлубиятсиз боксчимиз рингга чиқадиган IBA турнири карди тасдиқланди + ПОСТЕР

Биз учун аҳамиятлиси, "Лужники"да ўтажак IBA.PRO 14 турнирида мағлубият ва муроса нималигини билмай келаётган чарм қўлқоп устамиз Ҳавасбек Асадуллаевга (7-0, 5 КО) собиқ EBP чемпиони, профессионаллар ўртасида Россия чемпиони Алан Хугаев (21-0, 10 КО)га қарши биринчи ўрта вазн тоифасидаги 8 раундлик жангда қарши рингга чиқади.

Ушбу бокс оқшомида яқинда Дубайда ўтган жаҳон чемпионати ғолиби Давид Суров (+92), кумуш медаль совриндорлари Евгений Кооль ва Эдмонд Худоян ҳам рингга кўтарилади. Оғир вазн тоифаси вакили ҳисобланган Давид Суров профессионал рингдаги дебют жангини ўтказади. У доминиканлик нокаутчи Луис Альфредо Алькантара Герреро (11-0, 10 КО,)га қарши рингга чиқади. Бу турнирнинг co-main event жанги бўлади. 

Уч карра Россия чемпиони Евгений Кооль (1-0, 1 КО) 6 раундлик ярим ўрта вазн тоифасидаги жангда Африка ўйинларининг икки карра совриндори, Африка-2017 чемпиони, Олимпиада-2016 иштирокчиси намибиялик Жонас Жуниус Жонас билан тўқнаш келади. 

IBA Pro турнирининг асосий жанги оғир вазнда IBA.PRO Intercontinental камари учун ўтказилади ва 10 раунддан иборат бўлади. Унда россиялик Мурад Халидов (11-0, 6 КО) кубалик Хосе Лардуэт (15-1, 13 КО)га қарши рингга кўтарилади.

Яна бир қизиқарли 10 раундлик жангда Европа чемпиони-2024, жаҳон чемпионати-2023 бронза медали совриндори, Россиянинг олти карра чемпиони, -48 кг вазн тоифасида Дубайда бўлиб ўтган ЖЧ-2025 кумуш медали соҳиби Эдмонд Худоян WBA Asia камари учун филиппинлик Жеплекса Куиранте (6-0, 3 КО) билан ҳисоб-китоб қилади. 

Маълумот учун, IBA.PRO 14 турнири "Матч ТВ" телеканалида жонли эфирда намойиш этилади.

IBA.PRO 14 турнирининг тўлиқ карди:

Ярим енгил вазн, аёллар, 6 раундлик жанг:

Дарья Абрамова (Россия) - Мужгона Самадова (9-13, 2 КО, Тожикистон);

Ярим ўрта вазн, 6 раунд:

Евгений Кооль (1-0, 1 КО, Россия) - Жонас Жуниус Жонас (25-8, 4 КО, Намибия);

Минимал вазн, 10 раунд, WBA Asia камари учун:

Эдмонд Худоян (Россия) - Жеплекса Куиранте (6-0, 3 КО, Филиппин).

Иккинчи ўрта вазн, 8 раунд:

Чеэрав Ашалаев (1-0, Россия) - Артиш Лопсан (14-2-2, 9 КО, Россия);

Ярим ўрта вазн, 8 раунд:

Алан Хугаев (21-0, 10 КО, Россия) - Ҳавасбек Асадуллаев (7-0, 5 КО, Ўзбекистон);

Оғир вазн, 6 раунд:

Давид Суров (Россия) - Луис Альфредо Алькантара Герреро (11-0, 10 КО, Доминикан Республикаси).

Оғир вазн, 10 раунд, IBA.PRO Intercontinental камари учун:

Мурад Халидов (11-0, 6 КО, Россия) - Хосе Лардуэт (15-1, 13 КО, Куба).