25 июл 10:42
Янгиликлар

Каратэ

Шуҳрат Турсунов Осиё каратэ федерациясининг янги раҳбари билан учрашди

Ўзбекистон каратэ миллий федерацияси вице-президенти Шуҳрат Турсунов Осиё каратэ WKF федерацияси президенти генерал Носир Абдулраззоқ билан учрашув ўтказди.

Унда пойтахимиз мезбонлигида ўтган катталар ўртасидаги 16-Осиё чемпионатининг якунлари, Ўзбекистон ва Осиё каратэ федерациялари ўртасида ўзаро ҳамкорликни янада ривожлантириш каби масалаларда суҳбат борди.

Ўзаро мулоқот сўнггида Шуҳрат Турсунов айнан Тошкентдаги Осиё чемпионати доирасида қитъа каратэ федерациясининг янги президенти этиб сайланган Носир Абдулраззоққа эсдалик совғаси топширди. Кеча фахрий меҳмон пойтахтимизга уюштирилган бир ҳафталик ташрифни якунлаб, ўз юртига жўнаб кетди.