Синдаров Непомняшийни мағлуб этди, Бибисарада ҳам ғалаба. Жамоа пешқадам! Бугун Жавоҳир - Магнус тўқнашуви бор!

Унда ўз таркибига юлдуз шахматчиларни жамлаган олтита жамоа ғолиблик йўлида баҳс олиб бормоқда. Ҳамюртимиз Жавоҳир Синдаров мусобақанинг бу йилги мавсумида Fyers American Gambits жамоаси шарафини ҳимоя қилмоқда. 

Жавоҳирнинг жамоасида қозоғистонлик Бибисара Ассаубаева, россиялик Данил Дубов, ҳиндистонлик Ниҳал Сарин, франциялик Марк-Андриа Маурицци ҳамда испаниялик халқаро мастер Сара Ҳадем ҳам бор. Синдаров жамоасининг биринчи —  Icon тахтасида дона сурмоқда.

Tech Mahindra Global Chess League турнирининг навбатдаги куни Жавоҳир Синдаров сардорлигидаги Fyers American Gambits жамоаси яна бир муҳим ғалабани қўлга киритди. Бу сафар россиялик таниқли гроссмейстер Ян Непомняший бошчилигидаги Ganges Grandmasters жамоаси йирик 13:5 ҳисобида таслим этилди. Биринчи доскада Синдаров Непомняшийни, Бибисара Ассаубаева Полина Шуваловани таслим этди ва жамоасига муҳим ғалабани олиб берди. Бибисара кеча ўз жамоаси сафида тур ўйинчиси бўлди. 

Бугун 9-тур учрашувлари ўтказилади. Унда Жавоҳир Синдаров сардорлигидаги Fyers American Gambits жамоаси Магнус Карлсен бошчилигидаги Alpine Apl Pipers жамоасига қарши баҳс олиб боради. Биринчи доскада айнан Синдаров - Карлсен қарама-қаршилигига гувоҳ бўламиз. Бу сафар Жавоҳир қора доналарда ўйнайди. Ҳар икки жамоа ҳам бугунги тур олдидан 15 очкодан жамғарган, қўшимча кўрсаткичларга кўра Синдаров жамоаси пешқадамлигини сақлаб турибди.