16 апр 10:18
Янгиликлар
Шахмат, Қизиқарли!
Синдаров "Номзодлар турнири"дан қанча ишлаб олди?
Жавоҳир Синдаровнинг Номзодлар турниридаги ғалабаси нафақат тарихий натижа, балки катта молиявий муваффақият ҳамдир.
Турнирнинг умумий мукофот жамғармаси 700 минг еврони ташкил этган бўлса, Жавоҳир унинг салмоқли қисмини қўлга киритди.
Мукофот қандай шаклланди?
Турнир қоидаларига кўра, ғолиблик учун белгиланган 70 минг евро миқдоридаги асосий мукофотдан ташқари, ҳар бир тўпланган ярим очко учун шахматчиларга қўшимча 5 минг евродан бонус берилади.
Жавоҳир турнир давомида жами 10 очко тўплади. Бу дегани, у 20 марта "ярим очколик" натижа қайд этди ва фақатгина очколарининг ўзи учун 100 минг евро ишлаб топди. Асосий ғолиблик мукофоти ва очколар бонуси қўшилганда, Жавоҳир Синдаров турнирда жами 170 минг евро миқдоридаги маблағни қўлга киритди. Бу ўзбек шахматидаги энг йирик шахсий совринлардан бири сифатида тарихда қолади.
Ҳавола :
Манба : uzchess
Фикрлар