Синхрон сузувчиларимиз FINA жаҳон сериясидаги мусобақада иштирок этишади

Унда Ўзбекистон терма жамоаси ҳам иштирок этади. Мусобақада юртимиз шарафини Эльмира Файзуллаева ва Оксана Бортникова мураббийлигида Анастасия Морозова, Анна Елтишева ва Диана Онкес ҳимоя қилади.

Уч кун давом этадиган мазкур мусобақа техник ва эркин дастурларни ўз ичига олган гуруҳ, соло, аралаш жуфтлик йўналишлари, шунингдек, жуфтлик, комбинациявий дастур ва акробатик гуруҳ баҳсларидан иборат. Ҳар бир тур бўйича барча босқичлар натижаларига кўра энг кучли деб топилган жамоалар Супер-финалда иштирок этишади

Жорий йил синхрон сузиш бўйича жаҳон серияси 8 босқичда ўтказилиши режалаштирилган бўлиб, ушбу мусобақа учинчиси ҳисобланади. Кейинги босқичлар Токио (Япония, 27-29 апрель), Пекин (Хитой, 4-6 май), Гринсборо (АҚШ, 24-26 май), Квебек (Канада, 30 май-1 июнь) ва Барселона (Испания, 31 май-2 июнь) шаҳарларида уюштирилиши кўзда тутилган.