20 июн 20:20
Янгиликлар

Гимнастика, Стол тенниси

Сирдарёда "Ёшлар ойлиги" доирасида мусобақалар ўтказилди

Ўзбекистон Республикаси Жисмоний тарбия ва спорт вазирининг 2020 йил 8 июндаги "Ёшлар ойлигини республикамизнинг барча ҳудудларида юқори савияда ташкил этиш ва ўтказиш тўғрисида”ги 677-сонли буйруғи ижросини таъминлаш мақсадида Сирдарё вилояти Жисмоний тарбия ва спорт бошқармаси томонидан қатор ишлар амалга оширилмоқда.

Жумладан, бошқарма тасарруфидаги спорт таълим муассасалари тарбияланувчилари ўртасида спорт мусобақалари бўлиб ўтмоқда.

Мусобақалар спортнинг стол тенниси, бадиий гимнастика ва енгил атлетика турлари бўйича ташкил этилди. Тадбирда ёш спортчилар ўз маҳоратларни намойиш этишди ҳамда тадбирда муносиб иштирок этган ёшлар ташкилотчилар томонидан тақдирланди.

Таъкидлаш жоиз, мазкур спорт мусобақалари Республика махсус комиссияси қарори ҳамда Жисмоний тарбия ва спорт вазирининг тегишли буйруғида белгилаб берилган санитария қоидалари ва меъёрлари талаблари асосида, иштирокчилар орасида ижтимоий масофа сақланган ҳолда, тиббиёт ниқобларида ҳамда иштирокчилар сони чекланган (30 нафардан ошмаган) тарзда ташкил этилди.