Скоулз "Манчестер Юнайтед" ҳимоячисидан узр сўрашдан бош тортди

Аввалроқ у аргентиналик футболчининг паст бўйи сабабли ҳимоядаги ўйинини танқид қилган эди.

"Ортга назар ташласак, айтган гапларимиз унчалик тўғри бўлмаганини айтиш мумкин. Лекин мен узр сўрамоқчи эмасман. Мен Мартинес билан Холанд ўртасидаги жисмоний номутаносибликка эътибор қаратмоқчи эдим. Балки бу қандай ифода этилгани унчалик яхши кўринмагандир. Аммо бўлган иш бўлди. У битта яхши ўйин ўтказди. Умид қиламан, у мени ноҳақ эканимни исботлайди. Мен жамоанинг ҳар ҳафта ғалаба қозонишини истайман. Ҳозир ҳар қачонгидан ҳам кўпроқ одамлар ўз фикрини билдиряпти ва бунга чидашингизга тўғри келади. Сиз дунёдаги энг йирик клублардан бири сафида ўйнайсиз ва, айниқса ишлар кутилгандек кетмаётган пайтда, муайян танқидларга дуч келасиз", — дейди Скоулз.

Аввалроқ Скоулз аргентиналик ҳимоячининг бўйини (175 см) масхара қилгани ва АПЛнинг 22-тури доирасидаги ўйинда "Манчестер Сити" ҳужумчиси Эрлинг Холанд уни ҳаводаги курашда осонликча мағлуб этишини таъкидлагани ҳақида хабар берилган эди. Ўша учрашув "Манчестер Юнайтед"нинг 2:0 ҳисобидаги ғалабаси билан якунланган.