22 сен 16:06
Янгиликлар

Эшкак эшиш

Слаломда эшкак эшувчиларимиз Испаниядаги йиғинда

Шу кунларда слаломда эшкак эшиш бўйича Ўзбекистон миллий терма жамоаси аъзолари Испаниянинг Сеу-Де-Уржель шаҳрида навбатдаги ўқув-йиғин машғулотларини олиб бормоқда.

Йиғинга мураббий ва спортчилардан иборат жами 10 кишилик делегация жўнаб кетган. Мазкур йиғин терма жамоамиз аъзолари учун жорий йил 25-29 сентябрь кунлари худди шу шаҳарда бўлиб ўтадиган жаҳон чемпионатига тайёргарлик вазифасини ўтаб беради.

Сеу-Де-Уржелда ўтказиладиган жаҳон чемпионати келгуси йил Япониянинг Токио шаҳрида бўладиган XXXII ёзги Олимпия ўйинларига саралаш босқичи вазифасини ҳам ўтаб беради. Умид қиламизки, Испания заминида ташкил этилаётган йиғин спортчиларимиз учун ҳар тарафлама фойдали бўлиб, бу жаҳон чемпионатида ўз маҳсулини беради.