11 янв 10:38
Янгиликлар

Бокс/ММА

Собиқ чемпион Теренс Кроуфордга "вызов" ташлади

Исроил Мадримов қийнаб қўйган америкалик енгилмас боксчи билан жанг қилиш истагини билдираётганлар яна биттага кўпайди.

Биринчи ўрта вазн тоифасида собиқ жаҳон чемпиони Жейсон Росарио икки вазнда собиқ мутлақ жаҳон чемпиони, биринчи ўрта вазнда амалдаги WBA чемпиони Теренс Кроуфордга қарши жанг ўтказмоқчи.

"Теренс билан жанг қилиш кўпчилик боксчиларнинг орзуси ҳисобланади. Улар сафида мен ҳам борман. Кроуфорд ўз замонасининг буюк боксчиси эканини исботлади. Мен ана шу тарихнинг бир бўлаги бўлишни хоҳлайман", — дея Росарионинг сўзларини келтиради Boxing Scene.

Маълумот учун, Жейсон Росарио 1 февраль куни АҚШнинг Лас-Вегас шаҳрида америкалик истеъдодли боксчи Хесус Алехандро Рамосга қарши ўн раундлик жанг ўтказади.