02 июн 14:02
Янгиликлар

Бокс/ММА

Собиқ икки вазн чемпиони UFCнинг энг "зўрлари"ни айтди, рўйхатда Конор ва Хабиб йўқ!

Икки вазн тоифасида собиқ UFC чемпиони Жорж Сен-Пьер промоушендаги кимларнинг жангларини алоҳида ёндашув билан томоша қилишини айтди.

"Ҳамма жангларни ҳам томоша қилавермайман. Лекин UFCда мен беэътибор бўлмаган жангчилар йўқ эмас. Генри Сехудонинг мухлисиман. Доминик Крус, Исраэль Адесанья, Жон Жонс, Фрэнсис Нганну ва Даниэль Кормьенинг жангларини ўтказиб юбормасликка ҳаракат қиламан.

Шунингдек, ярим ўрта вазн жангчилари Усман, Ковингтоннинг иштироки ҳам мен учун қизиқ. Менга драматик жанглар ёқади", — дея канадалик собиқ жаҳон чемпионининг сўзларини келтирмоқда South China Morning Post.

Эслатиб ўтамиз, 39 ёшли Сен-Пьер 2019 йилнинг февраль ойида фаолиятини якунлаганини эълон қилганди. Унинг ҳисобида 26 та ғалаба ва 2 мағлубият бор. Сен-Пьер яхши таклиф бўлса, октагонга қайтишини ҳам айтган эди.